Maxkamad xukun ku riday walaalka ka yar madaxweynaha Iran
-
WARIYAHA ARRIMAHA CAALAMKA
- Posted On 05-05-2019, 03:18PM
TEHRAN, Iran – Maxkamad ku taalla Iran ayaa xukun sanado xabsi oo aan ka yaashin ku riday walaalka ka yar madaxweynaha dalkaasi, Xasan Ruuxaani.
Hossein Fereydoun, oo kalsooni badan uu ku qabay madaxweynaha, ayaa waxaa nan warbaahinta loosoo bandhigin eedeymaha lagu soo oogay.
"[Shaqsigaan [Hossein Fereydoun] waxaa lagu waayey dambiyada qaar, balse kuwa kale ee lagu helay ayaa lagu xukumay," ayuu yiri garsoore.
Maxkamadeynta Fereydoun oo ay wehliyaan lix eedeysanayaal ah, ayaa soo bilaabatay maalintii Jimcaha, iyada fahfaahinta waxa lagu haysto aan la shaacin.
Fereydoun oo wacad ku maray in uu Racfaan ka qaadan doono xukunka ku dhacay ayaa ku tilmaamay mid ay gadaal ka riixeyso arrimo siyaasadeed.
Balse maxkamada oo garabka ku dhufatay in go’aankeeda uu siyaasadeysan yahay ayaa waxay iska fogeysay farogelin uga yimid dhinaca Laanta Fulinta.
Xukunsane, Fereydoun, oo sanadkii 2017-kii lagu soo oogay dacwad la xiriirka Dhaqaalaha ayaa waxa uu xiligaasi sheegay in uusan wax khalad ahayn sameyn.
GAROWE ONLINE
