Nin xaaskiisa u dili gaarey in aysan u qaboojin cabitaanka xiliga Afurka

KUWAIT CITY, Kuwait – Hay’addaha amaanka dalka Carbeed ee Kuwait ayaa waxay xireen nin xaaskiisa u garaacay in aysan u qaboojin cabitaan uu ku furo.

Sidda laga soo xigtay warbaahinta maxaliga ah, ninkaan ayaa ugu goodiyey lamaantiisa in uu tooryeen doono hadii ay mar dambe sidaasi sameyso.

Majaladda Al Rai ayaa ku warameysa in shaqsigaan uu horey ugu sheegay xaaskiisa in ay u keento cabitaan aad u qabow marka la gaaro xiliga Afurka.

"Isaga oo toorey wata ayuu kusoo cararay, balse waxay ku qancisay in aysan mar dambe sidaasi sameyn doonin," ayuu yiri wargeyska, oo soo xiganaya qof deris la ahaa.

Marwada ayaa intaasi kadib dhacdadaan ku wargelisay ciidamadda Booliska oo durbiibada xabsi u taxaabay ninkaan kaasoo su'aalo ku aadan siday wax u dhaceen la waydiiyey.

Haweenayda ayaa u gudbisay bileyska cabasho ka dhan ah seygeeda, oo ay codsatay in talaabo sharciga waafaqsan laga qaado, hadii uusan ka noqon go'aankiisa.

Eedeysanaha oo qirtay isku dayga dilka iyo garaacista xaaskiisa ayaa waxa uu muujiyey in ka qoomameeyay arrinkaasi, isaga oo xusay in uusan ku dhaqaaqi doonin mar kale.

Intaasi kadib, haweenayda ayaa ka laabatay kiiska tabashada, waxaana wax kasta ay haatan kusoo laabtaan si caadi ah.

Sikastaba, wararka noocaan ah ayaa ka ah Kuwait wax naadi ah, waxaana dhacdadaan lasoo wariyey maalintii lixaad ee bisha barakeysan ee Ramadan.

GAROWE ONLINE