Ra'iisul Wasaaraha Canada oo xil cusub u magacaabay Axmed Xuseen

TORONTO, Canada – Ra'iisul Wasaaraha dalka Canada, Justin Trudeau, ayaa wuxuu isku shaandheyn balaaran ku sameeyay Golahiisa Wasiiradda.

Isku shaandheynta ayaa waxaa ku baxay xubno, halka kuwa kale loo bedelay jagooyin kale oo ahayn kuwii ay hayeen.

Axmed Xuseen, Soomaali-Canadian, oo ahaa Wasiirkii Socdaalka ayaa waxaa loo magacaabay Wasiirka Horumarinta Bulshadda.

Jagadda Xuseen ayaa waxaa loo xushay Marco Mendicino, kaasoo la wareegi doona xafiiska maalmaha soo aadan, sidda ay qortay saxaafadda.

Mr Xuseen oo ah Xildhibaan xeer-dejinta ka tirsan ayaa waxaa aad loogu ammaanaa in uu wax badan ka qabtay dhanka socdaalka.

Si gaar ah waxaa la sheegayaa in qaxootiga qaaradda Afrika uu albaabada u furay isla markaana mudadii uu xilka hayey ay Canada qaabishay boqolaal.

Siyaasiyiin, ururo iyo Jaaliyadda Soomaaliyeed ee Canada, ayaa durba waxay bilaabeen in ay hambalyo u diraan Axmed, iyaga oo u rajeeyay guul.

GAROWE ONLINE