Tiradda dhimashada banaanbaxyadda dalka Ciraaq oo korodhay

BAGHDAD, Iraq – Ugu yaraan shan ayaa ku geeriyootay, tirro kalena way ku dhaawacmeen kadib bananabaxyo waaweyn oo todobaadyo gilgilaya Ciraaq.

Geerida mudaahadarayaasha oo laga soo wariyey magaalooyin kala duwan ayaa waxaa la tilmaamayaa in ay ka dambeeyeen booliska.

Saraakiisha caafimaadka ayaa xaqiijiyey in dhaawaca uu hataan marayo 50, waxayna caddeeyeen in ay kasii badan karto intaas.

Dowladda oo qirtay in ay jirto dhimasho ay laamaha ammaanka sababeen ayaa waxay tilmaamtay in lala xisaabtami doono cidda ka dambeysay.

Wakaaladda wararka Reuters ayaa kasoo xigtay mas'uuliyiinta in ay jiraan askar loo xir-xiray dhacdooyinkii u dambeeyay.

Ma jiraan illo madax banaan oo xaqiijinaya sheegashooyinka ku saabsan dhimashadda banaanbaxayaasha iyo qabashada askarta.

Dibad-baxyadda Ciraaq ayaa la rumeysan yahay in ay salka ku hayaan musuqmaasuq xargaha goostay iyo xukuumadda oo aan adeegyadda daadejin.

GAROWE ONLINE