Trump oo ka hadlay cudur fara kulul ku haya Mareykanka
-
WARIYAHA ARRIMAHA CAAFIMAADKA
- Posted On 27-04-2019, 06:04AM
WASHINGTON, US – Madaxweynaha Mareykanka, Donald Trump, ayaa markii ugu horeysay ka fal-celiyay xanuunka jadeecada oo fara kulul ku haya dalkaasi.
Isaga oo dibadda Aqalka Cad kula hadlay wariyeyaasha ayuu kusoo bandhigay qaabka ay dadka Ameerikaanka ah uga badbaadi karaa cudurkaan.
"Talaalka waa mid aad muhiim u ah," ayuu tiri Trump, markii la waydiiyay qaabka kaliya ee looga hortagi karo.
Ku dhowaad 700 oo kiis xanuunka jadeecada ah ayaa kaliya sanadkaan laga soo wariyay dalka Mareykanka.
Waa markii ugu horeysay tobban sano kadib uu sare u kac noocaasi ah uu sameeyo cudurkaasi aadka halista u ah.
Inta badan xanuunkaan ayaa haleela caruurta, taasi oo sabab looga dhigay in awooda jirkooda oo ah mid daciif ah.
Hadalka Trump ayaa kusoo beegmaya iyadda oo uu socdo olale ka dhan ah xanuunkaan, kaasi oo dadka loogu wacyi gelinayo in ay Talaalka qaataan.
GAROWE ONLINE
