Agaasimihii hore ee Madaxtooyada oo u hanqal taagaya xilka Madaxtinimada

SAWIR HORE

MUQDISHO, Soomaaliya - Xuseen Sheekh Maxamuud, Agaasimihii Guud ee Madaxtooyada Soomaaliya, ayaa maanta si rasmi ah isaga casilay xilkaasi, iyadoo ujeedadu tahay in uu noqdo Madaxweynaha Maamulka Koonfur Galbeed.

Xuseen Sheekh ayaa go’aankiisa ku sababeeyey xaaladda cakiran ee ka taagan Koonfur Galbeed iyo talada siyaasiyiinta deegaanka. Arrintan ayaa muujineysa isbaheysiga cusub ee siyaasadeed ee ka curanaya maamulka Koonfur Galbeed ka hor doorashada madaxweynaha.

Warar la isla dhexmarayo ayaa ka soo baxaya sida uu Xuseen Sheekh ula safan yahay Madaxweyne Xasan Sheekh Maxamuud iyo wada shaqayn suurtagal ah oo dhaxmari karta ee labada dhinac hadii uu xilka ku guuleysto, taas oo kor u qaadayi doonta saameynta ay dowladda dhexe ku leedahay arrimaha dowlad goboleedyada.

Koonfur Galbeed ayaa mar walba u janjeerta dhanka maamulka ka taliya Muqdisho, sida dhacday doorashadii 2018 ka dib, taasoo keentay inuu hogaanka u qabto Cabdicasiis Laftagreen oo daacad u ahaa Madaxweynihii hore ee Farmaajo.

Isaga oo ah musharrax u taagan doorashada Koonfur Galbeed, safarka Xuseen Sheekh ee ka bilaabanayo shaaqle federaal laga yaabna inuu ku dhamaado Madaxweyne maamul goboleed ayaa qeexaya wajiyada kala duwan ee leedahay siyaasadda Soomaaliya.

Is casilaada Xuseen Sheekh ayaa sidoo kale ka dhigan in siyaasadda Soomaaliya aysan ka jirin ujoodooyin istaraatiijiyadeed ee madaxda ku xisaabtamaan marka ay go’aannada gaarayaan.

GAROWE ONLINE