Aqalka Sare oo la kulmey Gud. Barlamanada Maamullada dalka
-
- Posted On 24-08-2017, 04:56PM
MUQDISHU, Somalia - Gudoomiyaha Aqalka Sare ee Somalia Cabdi Xaashi Cabdullaahi, ayaa kula kulmay magaalada Muqdishu Gudoonada Barlamanada Maamul Goboleedyada dalka.
Cabdi Xaashi ayaa sheegay in Kulanka uu ahaa mid Isbarasho iyo Is-Xog-wareysi ah, ayaa diirada lagu saarey arrimo dhowr ah oo ku qotoma in labada dhinac uu dhex-maro wada-shaqeyn wanaagsan.
Kulankan oo ahaa midkii ugu horeeyay ayaa ka dhacay Xarunta Aqalka Sare ee Muqdishu.
Gudoomiyaha Aqalka Sare, Cabdi Xaashi ayaa tilmaamay inuu aad ugu faraxsan yahay la kulanka Gudoomiyaasha Barlamanada dowlad Goboleedyada markii ugu horeysay, isagoo aan safar galin, oo ugu tagin Xaruumahooda.
Aqalka Sare ayaa ka dalbadey Gudoonada Barlamanada maamullada inay usoo gudbiyaan Xog dhab ah, oo la xiriirta caqabadaha hortaagan, si dowladda dhexe ay wax uga qabto baahiyahooda gaarka.
GAROWEONLINE
