Ciidamada DFS ayaa hawlgallo ka fuliyay deegaan ay dhawaan weerareen kooxda "AS"
-
GAROWE ONLINE XAFIISKA MUQDISHO
- Posted On 16-10-2023, 09:05AM
GURICEEL, Soomaaliya - Ciidamada Xoogga Dalka ayaa maanta howlgallo amni xaqiijin ah ka fuliyay deegaanka Bari-ujeed ay shalay soo weerareen ururka "AS", iyada oo ay jirtay Khasaare xooggan.
Ciidamada ayaa gaadiid dagaal oo kala duwan waxa ay ku soo daadiyeen deegaanada ku dhow dhow deegaanka Bari-ujeed oo ku teedsan wadada xiriirisa deegaanada Guriceel iyo Ceelbuur ee gobolka Galgaduud.
Howlgalkaan ayaa waxa uu jawaab u yahay weerarkii xubnaha “AS” ay ku qaadeen deegaanka Bari-ujeed, waxaana ujeedkooda uu yahay in la xoreeyo deegaanada ay “AS” u adeegsato weerarada ka dhanka ah ciidamada dowladda.
Saraakiisha ciidamada ayaa sheegay in ay sii laba jibaari doonaan howlgallada maalmaha soo socda, illaa ay gacanta ku dhigaan dhammaan deegaannada dhaca bariga gobolka Galgaduud, sida Ceelbouur & Galhareeri.
GAROWE ONLINE
