Ciidamada Dowladda oo howlgal ka sameeyay degmada Ceeldheer

CEELDHEER, Soomaaliya - Ciidamada Dowladda iyo kuwa deegaanka ayaa maanta howlgallo lagu xaqiijinayo ammaanka waxa ay ku qaadeen fariisimo ku yaalla degmada Ceeldheer ee gobolka Galgaduud oo ay ku sugnaayeen ururka ‘AS’.

Taliska ciidamada xoogga dalka ayaa sheegay in howlgalkaasi guulo laga gaaray, islamarkaana lagu dilay horjooge ka tirsanaa AS, mid kalena lagu soo qabtay.

Ciidamada ayaa sidoo kale gacanta ku dhigay gaari nuuca Leyla Calaawi oo ay wateen ‘AS’ oo ku sugnaa koonfurta deegaanka Mudug.

Ciidamada amaanka ayaa howlgalo gaar ah oo ka dhan ah ‘AS’ ka wada magaalooyinka gobolka Galgaduud si dalka looga ciribtiro, iyada oo dhawaan la furi doono wajiga 2-aad ee dagaalka.

GAROWE ONLINE