Daadad xoog leh oo ku soo rogmaday dadka ku dhaqan degmada Berdaale

BERDAALE, Soomaaliya - Roobab Xooggan oo saacadihhii la soo dhaafey ka da'ay degmada Berdaale ayaa sababay in Daadad xoog leh ay soo galaan gudaha magaalada, taas oo keentay inay barakacaaan inta badan dadkii degmadaas daganaa.

Dadka deegaanka ayaa sheegaya in xaaladda ayaa ka sii daraysa marba marka ka dembaysa. Waxaana ka maqan degmada Bardaale ee gobolka Bay adeegii bulshada sida korantadii iyo isku socodkii gadiidka.

Sidoo kale daadadku waxay xireen Goobihii Ganacsiga ee shacabku adeegsan lahaayeen, taas oo sii adkeysay daruufaha ay ku noolyiihiin inta wali ku sugan magaalada.

Maamulka Bardaale ayaa ku baaqay in gurmad xoog leh lala soo gaaro shacabka ay biyuhu ka barakiciyeen Guryahoodii.

GAROWE ONLINE