DEG DEG: Qarax kale oo ka dhacay Muqdishu
-
- Posted On 13-03-2017, 10:44AM
MUQDISHU, Somalia- Qarax Ismiidaamin ah ayaa goor-dhow ka dhacay magaalada Muqdishu, gaar ahaan nawaaxiga xarunta Baarlamaanka Soomaaliya.
Qaraxa oo ahaa mid loo adeegsaday Gaari walxaha qarxa lagu soo xiray ayaa lagu weeraray Hotel Weheliye, oo ku dhaw Isgoyska Dabka, oo ah mid aad u mashquul badan oo kulmiya dhowr wado.
Wararka hordhac ah oo Warsidaha Garowe Online ka helayo Laamaha amniga ayaa sheegaya in ugu yaraan 10 ruux, oo isagu jira ilaalada Hoteelka iyo dad shacab ah ay ku dhinteen.
Waxaa goobta gaarey ciidamada badan oo baaritaanno ka bilaabay nawaaxiga hotelka iyo Gaadiidka Ambulance-ka loo yaqaano kuwaasoo dadka dhaawacyada gaarey u qaadaya Isbitaalada magaalada Muqdishu.
Waa qaraxii labaad oo saaka ka dhaca Muqdishu, oo maalmahan kusoo banadayaan Dilalka iyo Qaraxyada ismiidaaminta ah ee lala eegnayao xaruumaha dowladda iyo Goobaha shacabka ku badan yihiin.
Fah-faahinta kala soco wararkeena dambe Haddii Alle idmo
GAROWEONLINE
