Dhuusamareeb oo gashay xaalad adag ka dib dilalkii ka dhacay

DHUUSAMAREEB, Soomaaliya - Magaalada Dhuusamareeb ee maamulka Galmudug ayaa waxaa ka dhacday dhacdo naxdin leh kadib markii labo nin oo ganacsato ah lagu dilay aanooyin qabiil, sida dadka deegaanka ay xaqiijiyeen.

Dhacdadan ayaa maanta xiisad guud ka dhalisay magaalada, halka tobaneeyo qof ay bannaanbax ka dhigeen, iyagoo ka dayriyay dhacdadan, waxayna dalbadeen in si degdeg ah lagu soo xiro kuwii ka dambeeyay falkan.

Xarumihii ganacsiga ayaan maanta albaabadooda furin, iyadoo laga cabsi qabo xaaladda amni oo sii xumaaneysa ee caasimaddda maamulka Galmudug.

Mas’uulin, culimo iyo nabadoonno ayaa jeediyay baaqyo lagu doonayo in hoos loo dhigo colaadda u dhaxeysa beelaha walaalaha ah.

Dhanka kale Maamulka Galmudug ayaa wali sii wada baadi-goobka dadkii ka dambeeyay dilka Sheekh Xasan Diirshe Cadde iyo Saciid Tahliil.

GAROWE ONLINE