Diyaaradda Turkish Airlines oo maalintii Saddexaad ka dagi la’ Muqdishu
-
- Posted On 27-05-2017, 12:46PM
MUQDISHU, Somalia - Diyaaradda Turkish Airlines ayaa markii saddexaad kusoo degi wayday maanta Garoonka Diyaaradaha Aadan Cadde ee magaalada Muqdishu.
Mas'uul katirsan Waaxda Duulista Hawada Somalia, ayaa GO u xaqiijiyay in Diyaaradda ay usoo caga dhigan wayday sababo la xariira Cilado farsamo, hawada oo xun iyo dabeylo xooggan oo ka jira garoonka Muqdishu.
Rakaabkii siday Diyaaradda ayaa laga dejiyay dalka Jabuuti, iyadoo uu baaqday dadkii ku qornaa maanta inay kasoo qaado Garoonka Muqdishu, kuwaasi oo lagu wargeliyay in safarkoodu dib u dhacay.
Ma jiro war rasmi ah oo illaa hadda kasoo baxay dowladda Federaalka Somalia oo ku aadan ciladaha ka jira Garoonka.
Diyaaradda Turkish Airlines oo ah Diyaaradda ugu weyn ee kusoo degta Garoonka Aadan Cadde, ayaa samaysa duulimaad caalami ah maalin kasta todobaadka oo dhan.
GAROWEONLINE
