Doorashadda madaxweynaha Koonfur Galbeed oo la muddeeyay

Is-fahamkan ayaa kasoo baxay wadahadaladii ka socdey Baydhabo tan iyo bishii hore ee Janaayo, 2023.

BAYDHABO, Koonfur Galbeed - Heshiis rasmi ah ayaa waxaa laga gaarey murankii ka taagnaa doorashadda madaxweynaha maamulka Koonfur Galbeed, sidda ku cad war-murtiyeed kasoo baxay wadahadaladii socdey.

Wadahadalada oo uu garwadeen ka ahaa madaxwayne Xasan Sheekh Maxamuud iyo guddoomiyaha Aqalka Hoose, Aadan Madoobe, ayaa socdey tan iyo bishii hore ee Janaayo, 2023.

Labada qodob ee ugu muhiimsan war-murtiyeedka ayaa kala ah;

In ay odayaasha dhaqanka beelaha dowlad goboleedka Koonfur Galbeed ay soo xulaan mudada u dhaxeysa bisha Novembar 2023-ka ilaa bisha Decembar 2023 xubnaha Golaha Wakiiladda ee Baarlamaanka KGS iyaga o la tashanaya beelahooda si waaqsan Qodobka 37aad farqadda 3aad Dastuurka KG

In doorashada guddoonka golaha wakiilada Dowlad Goboleedka Koonfur Galbeed Soomaaliya iyo doorashada madaxweynaha Dowlad Goboleedka Koonfur Galbeed Somaaliya la qabto inta lagu guda jiro bisha Janaayo 2024.

HOOS KA AKHRISO WAR-MURTIYEEDKA

GAROWE ONLINE