Dowladda Federaalka iyo Dowlad-Goboleedyada oo kala qeybsanayo 40 kun oo askari Boolis ah

MUQDISHO, Soomaaliya - Shirkii Boliiska Dalka ee Qaabdhismeedka Amniga Qaran, ayaa galay maalintiisa 2-aad, iyada oo ay Dowlad-Goboleedyada iyo Dowlada Federaalka ay ku kala qeybsanayaan 40 Kun oo Boliiska Dalka ah.

Shirkan ayaa waxaa ka soo qeybgalay Wasiirada Wasaaradaha Amniga, Maaliyada, Talisyada Boliiska & la taliyaaysha Amaanka Madaxweynayaasha DXDF.

Inta uu shirka socday ayaa la isweydaarsaday afkaaraha iyo talooyinka la xariira qeybsiga Ciidamada, Tayeeynta Ciidanka iyo dadaalada dalka looga xoreynayo ‘AS’.

Waxaa la filaya in DF iyo DXDF ay beri soo waaraan war-murtiyeed lagu shaacinaayo sida loo kala qeybsaday ciidamada Booliska lana soo gabgabeeyo shirka.

GAROWE ONLINE