Dowladda Shiinaha oo kala Shaqeyneyso Hay’adda SoDMA badbaadinta nolosha 1 Milyan oo Soomaali ah
-
GAROWE ONLINE XAFIISKA MUQDISHO
- Posted On 24-10-2023, 08:41AM
MUQDISHO, Soomaaliya - Guddoomiyaha Hay’adda Maareynta Musiibooyinka Qaranka (SoDMA), Maxamuud Macallin Cabdulle, ayaa maanta kulan xasaasi ah la qaatay Safiirka Shiinaha ee Soomaaliya, Fei Shengchao. Muhiimadda koowaad ee kulanka ayaa ahayd sidii loo xoojin lahaa iskaashiga labada dal, gaar ahaan dhinaca gargaarka bini’aadantinimo.
Intii kulanka uu socday ayaa guddoomiye Maxamuud Macallin waxa uu uga mahadceliyey dowladda Shiinaha taageerada ay wax uga qabato dhibaatooyinka ka dhashay abaaraha, fatahaadaha iyo musiibooyinka kale ee bini’aadantinimo ee ka jiro dalka.
Khatarta cimilada El Niño ayaa laga yaabo inay saameyn ku yeelato illaa hal milyan oo qof oo ku nool dalka, Guddoomiyaha ayaa iftiimiyay dadaallada ay hormuudka ka tahay Hay'adda Maareynta Masiibooyinka Soomaaliyeed (SoDMA) ee loogu diyaar garoobayo caqabadan soo socota.
Wada-shaqeynta (SoDMA) iyo dowladda Shiinaha ayaa kaalin mug leh ka qaadan karto ilaalinta nolosha iyo badbaadinta shacabka Soomaaliyeed, iyadoo dalka uu isu diyaarinayo caqabado hor leh.
GAROWE ONLINE
