Faahfaahin ku saabsan dagaal ka qarxay gobolka Shabeelaha Dhaxe
-
GAROWE ONLINE XAFIISKA MUQDISHO
- Posted On 07-09-2023, 08:26AM
NUUR-DUGLE, Soomaaliya - Kooxda ‘AS’ ayaa weerar dhowr jiho ah ku qaadeen deegaanka Nuur-Dhagli ee hoos yimaada Masaajid Cali Gaduud ee Gobolka Shabeellaha Dhexe.
Ciidamada dowladda Soomaaliya oo garab ka helaya kuwa deegaanka ayaa iska caabiyay weerarka lagu bartilmaameedsaday fariisimaha ciidamada ay ku leeyihiin gudaha deegaanka, waxaana halkaasi ka dhashay qasaaro xooggan oo soo gaaray maleeshiyadii weerarka soo qaaday.
Dhinaca kale, 4 askari oo ka tirsan ciidamada dowladda Soomaaliya ayaa ku dhintay dagaalka, 4 kalana waa ay ku dhaawacmeen, sida ay sheegeen saraakiisha ciidamada, waxaana magaalada weli gacanta ku haya ciidamada.
Ciidamada dowladda ayaa ilaa haatan sii wada howlgallada lagu xaqiijinayo ammaanka magaalada iyo deegaanada hoos yimaada.
GAROWE ONLINE
