Faahfaahin ku saabsan qarax khasaare geystay oo ka dhacay Muqdisho

MUQDISHO, Soomaaliya - Fiidnimadii caawa ayaa weerar ismiidaamin ah lagu qaaday maqaayad lagu magacaabo Sky Blue oo ku dhow Tiyaatarka Qaranka ee magaalada Muqdisho, waxayna sidoo kale ay ku taal meel ku dhow xarumaha muhiimka ah ee dowladda.

Sida xogta aan ku helayno hay’adaha amaanka ayaa xaqiijiyay in hal askari uu ku dhintay weerarka ismiidaaminta ah, iyo agaasimihii TV-ga Somali Cable Cabdifataax Qays oo ku geeriyooday isbitaalka kadib dhaawac culus oo ka soo gaaray qaraxa.

Dowladda ayaan weli wax war ah ka soo saarin qaraxan oo lala beegsaday goob ay ku cunteeyaan mas’uuliin ka shaqeeya hay’adaha dowladda ama kuwa gaarka loo leeyahay.

Laamaha ammaanka ayaa sii wada baaritaanada ku aadan ninka is qarxiyay ee goobtan muhiimka ah u soo gudbay, iyadoo la filayo in tirada rasmiga ah ee waxyeelada ka dhashay qaraxa ay muujiyaan khasaarae intaa badan.

GAROWE ONLINE