Farmaajo oo agaasimihiisa madaxtooyada u magacaabey Fahad Yasiin [AKHRI]
-
- Posted On 31-05-2017, 11:08PM
MUQDISHU- Wareegto kasoo baxdey xafiiska Madaxweynaha dowlada Federaalka Somalia ayaa agaasimaha madaxtooyada waxaa loogu magacaabey Fahad Yasiin.
Wareegtada oo ku taariikhsneyd 31/05/2017 ayaa madaxweyne Farmaajo ku sheegey in Agaasimaha Guud ee madaxtooyada Jamuuriyada Federaalka Somalia loo magacaabey Mudane Fahad Yaaaiin oo uu sheegey Inuu ku bartey karti iyo hufnaan.
Madaxweynaha Somalia ayaa u mahadceliyey Agaasimhii hore ee madaxtooyada Somalia Abuukar Daahir Cismaan "Baalle" oo uu sheegey Inuu waqti badan galiyey u adeegista dalkiisa iyo dadkiisa.
Fahad Yasiin oo kaalin wayn ka qaatey ololihii Doorashada Madaxweyne Farmaajo ayaa dhinaca kale xiriir dhow la leh wadanka Qatar.
Mr. Yasiin ayaa kamid ahaa xubnihii dhisey madaxweynihii Doorashada looga guuleyatey Xasan Shiikh balse mar dambe siyaasada ku dirirey kadib markii khilaaf soo kala dhexgaley isaga iyo Farax Cabdulqaadir oo ay wada-dhisteen dowladii majaraha ay u hayeen Damul-jadiid.
Halkaan ka akhri wareegtada Madaxweyne Farmaajo ku magacaabey Fahad Yasiin.
NB: Warsidaha GO ayaa bogiisa twitter habeenkii xalay horey ugu shaaciyey in magacaabistaan la filayo in Madaxweyne Farmaajo sameeyo malamaha soo socda.
GAROWEONLINE
