Gudoomiye ku xigeenkii hore Baarlamaanka Somalia oo geeriyooday
-
- Posted On 29-05-2017, 05:50PM
MUQDISHU, Somalia - Waxaa Xalay Muqdishu ku geeriyooday Allaha u naxariistee Axmed Abroone Amiin, oo Gudoomiye ku xigeen kasoo noqday Baarlamaankii dowladdii KMG Cabdiqaasim Salaad Xasan.
Marxuumka ayaa la sheegay in Xalay uu ku soo booday Xanuun deg deg ah kadibna la dhigay Cisbitaal ku yaalla Muqdishu, halkaasi oo uu ku dhintey Saacadu markii ay ahayd 3:00 am.
Abroone ayaa lagu xasuustaa inuu Kaalin weyn ku lahaa dedaalladii dib u heshiisiinta dalka Xiligii Dowladii lagu soo dhisay Carte, wuxuuna ahaa shaqsi firfircoon oo ka shaqeeya danta dalka.
Meydka Marxuumka ayaa lagu aasay maanta magaalada Muqdishu.
GAROWEONLINE
