Hogaan cusub oo loo magacaabay ciidanka Uganda ee AMISOM
-
WARIYAHA MUQDISHO GAROWE ONLINE
- Posted On 21-12-2019, 07:16AM
MUQDISHO, Soomaaliya – Dowladda Uganda ayaa taliye cusub waxay u soo magacowday ciidanka ka jooga Soomaaliya ee ka tirsan howlgalka nabad-ilaalinta Midowga Afrika ee loosoo gaabiyo AMISOM.
Jeneraal Richard Otto, hogaanka cusub, ayaa wuxuu bedelay Jeneraal Michael Kobango, oo sanado badan xilkaas hayey.
Otto ayaa xafiiska la wareegay Khamiistii kadib munaasabad kooban oo ka dhacday xarunta ay Muqdisho ka degan yihiin ee Xalane.
Isagoo ka hadlayey xaflad xil-wareejinta, Otto ayaa uga mahadceliyey sarkaalka uu bedelay shaqadda wanaagsan ee uu qabtay.
Kobango ayaa kula dardararmay taliyaha cusub in uu raaco shuruucda iyo nidaamka u degsan howlgalka nabad-ilaalinta Soomaaliya.
Saraakiisha ciidamadda Uganda ee xafladda joogtey ayaa hambalyo u diray hogaanka cusub, iyaga oo bogaadiyey taliyihii hore.
Uganda oo kamida dalalka cutubyada ugu badan ku leh AMISOM ayaa howlgalka kaga qeyb-qaadata boolis iyo milatari, waxayna askarteeda badanaa ay joogaan gobolka Shabeellaha Hoose iyo xarunta UN-ka.
GAROWE ONLINE
