Horjooge katirsanaa Al Shabaab oo dowladda isu dhiibay
-
- Posted On 31-05-2017, 06:12PM
MUQDISHU, Somalia - Wasiirka Warfaafinta Somalia Cabdirxmaan Cumar Cismaan Yariisow, ayaa sheegay in Horjooge katirsanaa Kooxda Al shabaab uu isku soo dhiibay Ciidamada Dowladda ee Gobolka Hiiraan.
Eng Yariisow ayaa magaca Horjoogahan ku sheegay Bishaar Muumin Faarax, isagoo intaasi ku daray in uu ka howlgali jirey degmada Xarardheere ee gobolka Galgadauud.
Dhanka kale, Taliyaha Guutada 52-aad ee Ciidamada Xoogga Somalia Jeneraal Maxamed Axmed Tereedisho ayaa xaqiijiyey isa soo dhiibista Sarkaalka Al shabaab.
Waxuu sheegay in Sarkaalkan uu watay laba qori oo AK-47 iyo rasaas badan, xilli uu isku dhiibayay Ciidamada dowladda ee gobolka Hiiraan, kadib markii uu xiriiro lasoo sameeyay dhawaan.
Al shabaab kama aysan hadlin is dhiibida Bishaar Muumin.
GAROWEONLINE
