Kenya oo Soomaaliya u tababaraysa illaa 1,000 macalimiin ah

Labada mas'uul ayaa isla gartay ahmiyadda uu leeyahay dagaalka lagu ciribtirayo kooxaha Al-Shabaab.

MUQDISHO, Soomaaliya - Ra’iisul Wasaaraha Xukuumadda Federaalka ee Jamhuuriyadda Soomaaliya ayaa magaalada Dar es Salaam kulan gaar ah kula qaatay Madaxweynaha Kenya William Ruto,

Xamsa Cabdi Barre ayaa Ruto waxa ay ka wada hadleen xoojinta xiriirka iyo iskaashiga dhinacyada amniga, ganacsiga iyo isu socodka labada dal, sidda uu sheegay xafiiskiisa ammaanka.

Labada mas'uul ayaa isla gartay ahmiyadda uu leeyahay dagaalka lagu ciribtirayo kooxaha Al-Shabaab, "oo khatar ku ah guud ahaan amniga gobolka iyo dib u furista xuduudaha oo muhiim u ah isku socodka iyo ganacsiga labada dal".

Ra’iisul Wasaare Xamsa ayaa kala hadlay Madaxweyne Ruto fududeynta Dal-ku galka (visa) arrintaasi oo looga ballamay in lagu dhameystiro kulamo loo ballansan yahay labada dhinac.

"Iyadoo laga duulaayo tayeynta iyo awood siinta da’yarta iyo kor u qaadida waxbarashada, ayaa Madaxweyne Ruto waxa uu ka aqbalay Ra’iisul Wasaaraha in dowladda Kenya ay tababarto 1000 macallin oo wax ka dhigi doona heerarka kala duwan ee waxbarashada Soomaaliya," ayaa lagu soo gabagabeeyay war-saxaafadeedka.

GAROWE ONLINE