Khasaaro ka dhashay qarax ka dhacay magaalada Muqdisho

Ma jirto koox illaa haatan dusha saaratay mas’uuliyadda qaraxan oo jugtiisa si weyn loo maqlay.

MUQDISHO, Soomaaliya - Qarax ayaa caawa abaare 7-da fiidnimo waxa uu ka dhacay magaalada Muqdisho gaar ahaan wadada Via Liberia isgoyska Shaqaalaha ee caasimada Soomaaliya ee Muqdisho.

Hal qof ayaa lagu waramay in uu ku geeriyoodey weerarkan. Wararka ayaa sheegaya in ruuxan uu saarnaa baabuurka isla markaana u uku gubtey markii uu waayay cid kasoo bixisa.

Laamaha ammaanka dowladda federaalka ayaan wali bixin fahfaahin ku saabsan waxa uu ahaa shaqsigan. Fahfaahinta qaar waxay xuseysaa in uu gaariga uu isagu lahaa looguna rakibay miinada.

Ma jirto koox illaa haatan dusha saaratay mas’uuliyadda qaraxan oo jugtiisa si weyn looga maqlay qaybo kamid ah magaala madaxda Muqdisho.

Sawirro iyo muuqaalo lagu faafiyey baraha bulshadda ayaa muujiyey burbur soo gaarey goobo ganacsi iyo gaadiid ku dhowaa halka ay wax ka dhaceen.

Qaraxan ayaa kusoo beegmaya xilli saacadihii hore ee maanta ay magaalada Baardheere ee gobolka Gedo ay ka dhaceen laba qarax oo loo adeegsadey gaari laguna weeraray xero ciidan.

Ugu yaraan 8 qof ayaa waxaa la sheegay in ay ku naf-waayeen weerarkan oo ay sheegatay maleyshiyadda Al-Shabaab isla markaana ay shaaca ka dhigtey in ay la beegsatay xero ay leeyihiin ciidamadda Itoobiya.

GAROWE ONLINE