Koonfur Galbeed oo ku jirta diyaargarowgii ugu dambeeyay ee dagaalka ka dhanka ah ‘AS’
-
GAROWE ONLINE XAFIISKA MUQDISHO
- Posted On 29-10-2023, 07:27AM
DIINSOOR, Soomaaliya - Maamulka Koonfur Galbeed ayaa waxaa ka socda diyaar garowga wajiga labaad ee dagaalka ka dhanka ah Al-Shabaab.
Diyaargarowgan ayaa kusoo beegmaya iyadoo madaxweynaha maamulkaas, Cabdicasiis Xasan Laftagareen iyo Wasiirka Gaashaandhigga Xukuumadda Federaalka ay gaareen magaalada Diinsoor.
Wasiirka Gaashaandhigga oo khudbad ka hor jeediyay ciidamada dowladda iyo shacabka, ayaa ugu baaqay inay ka qeyb qaataan dagaalka soo socda.
Waxaa la filayaa in wejiga labaad dagaalka la billaabo ka dib markii dowladda Federaalka ay gebi ahaanba soo afjarto khatarta ay argagixisada ku hayaan deegaannada Galmudug iyo Hirshabeelle.
Al-Shabaab ayaa weli maamula magaalooyin waaweyn oo dhaca koonfurta gobolka Mudug, Bariga gobolka Galgaduud iyo Galbeedka Dowlad-Goboleedka Hirshabeelle.
GAROWE ONLINE
