Madaxweynaha Koonfur Galbeed oo la kulmay Danjiraha Ingiriiska u fadhiya Soomaaliya

BAYDHABO, Soomaaliya - Madaxweynaha Dowladda-Goboleedka Koonfur Galbeed Cabdicasiis Xasan Maxamed Laftagareen, ayaa Magaalada Baydhabo ku soo dhaweeyay Safiirka Dowladda Ingiriiska u fadhiya Soomaaliya, Mike Nithavrianakis iyo Wafdiga la socda.

Intii uu socday kulanka ayaa Madaxweyne Laftagareen iyo Danjire Nithavrianakis waxa ay ka wadahadleen arrimo xasaasi ah oo ay ka mid yihiin xaaladda guud ee amniga ee Dowladda-Goboleedka Koonfur Galbeed.

Waxa kale oo ay isla soo qaadeen xeelado lagu taageerayo wejiga labaad ee dadaalka dagaalka iyo sidii wax looga qaban lahaa caqabadaha joogtada ah ee abaaraha ee ka jira gobolka.

Intaa waxaa dheer, labada dhinac waxay sahamiyeen dariiqooyin lagu dardargelinayo mashaariicda Dowladda Ingiriiska ee ka socda Gobollada Koonfur Galbeed.

GAROWE ONLINE