​Madaxweyne Cosoble oo magacaabay degmooyin cusub

Image

BELEDWEYNE, Somalia - Madaxweynaha maamulka HirShabelle Calii Cabdullaahi Cosoble ayaa maanta oo Talaado ah (August 1, 2017) magacaabay degmooyin cusub, oo kusoo biiray gobolka Hiiraan.

Digreeto uu soo saarey Madaxweyne Cosoble ayaa lagu magacaabay degmooyinka cusub oo gaaraya saddex, kuwaasi oo kala ah, Ceel Cali, Halgan iyo Far-libaax, oo horey u ahaa deegaanno.

Magacaabista degmooyinka cusub ayaa ku timid soo-jeedinta Wasiirka Arrimaha Gudaha HirShabelle, oo sheegtay in deegaanada Ceel Cali, Halgan iyo Far-libaax, ay buuxiyeen shuruudaha degmnimo.

Digreetada waxaa lagu sheegay in kadib markii ay Wasaaradda qiimeyn ku samaysay xaaladda amniga, awoodda bulsho iyo mida dhaqaale ay u aqoonsatay in deegaanadan ay noqon karaan degmooyin.

Madaxweynaha HirShabelle ayaa ugu baaqay Ciidamada maamulkiisa, Hay'addaha caalamiga iyo mamaulka gobolka Hiiraan inay si deg deg ah uga howlgalaan degmooyinka cusub ee la magacaabay.

GAROWEONLINE

Related Articles

Wasiir Cabdiqaadir Maxamed Nuur oo loo magacaabayo Taliyaha Ciidanka - XOG

Garowe Online ayaa si dhow ula socon doona isbedellada ku saabsan magacaabistan suurtagalka ah,waana soo gudbin doontaa wixii soo kordha.

  • Soomaliya

    26-07-2025

  • 07:02AM

Intee la egyahay Khasaaraha Ciidanka DFS kasoo gaarey dagaalka Sabiid iyo Caanoole?

Waxaa sidoo kale lagu sheegay in hawlgallo daba-gal ah ay weli socdaan si loo soo qabto dagaalyahanada Al-Shabaab ee kale.

  • Soomaliya

    26-07-2025

  • 06:37AM