Madaxweyne Farmaajo oo ka dagay Jabuuti kuna wajahan dal kale
-
- Posted On 23-05-2017, 01:35PM
JAABUTI, Somalia - Madaxweynaha Somalia Maxamed Cabdullaahi Farmaajo, iyo wefdi uu hogaaminayo ayaa gaarey dalka Jabuuti, isagoo kasoo duulay Sacuudiga oo uga soo qeybgalay Shirka dalalka Muslim-ka iyo Mareykanka.
Madaxweyne Farmaajo ayaa la filayaa inuu kulan la qaadanayo dhigiisa Jabuuti Ismaaciil Cumar Geelle, oo ay kawada hadli doonaan arrimo badan, oo amniga iyo xiriirka labada dalka ay kamid yihiin.
Wararka Warsidaha GO uu helayo ayaa sheegaya in Farmaajo in uu u ambabaxayo dalka Qatar, kadib markii uu casuumaad ka helay Madaxda dalkaasi.
Booqashada Farmaajo ee Qatar ayaa noqonaysa midii 10-aad tan iyo markii uu xafiiska la wareegay Bishii February, 2017. Masar ayaa sidoo kale casuumay Madaxweynaha Somalia.
GAROWEONLINE
