Mareykanka oo ka hadlay duqeyn ay ku dhaawaceen dad shacab ah
-
GAROWE ONLINE XAFIISKA MUQDISHO
- Posted On 10-09-2023, 11:41AM
WASHINGTON, Mareykanka - Taliska ciidamada Mareykanka u qaabilsan Afrika ayaa xaqiijiyay in dad rayid ah oo aan waxba galabsan lagu dhaawacay duqeyn cirka ah oo ay bishii September 2023 ka fuliyeen Gobolka Galgaduud ee Galmudug.
Tiro dad rayid ah oo ka agdhawaa goobta ayaa ku dhaawacmay weerarkan lagu dilay 3 xubin oo ka tirsan AS. sida uu sheegtay taliska AFRICOM oo gaaray natiijadan ka dib baaris hordhac ah.
Dhinaca kale, Taliska ciidamada Mareykanka u qaabilsan Afrika ayaa beeniyey in duqeyntaasi ay ku dhinteen dad Shacab sida ay faafisay kooxda AS.
Mareykanka ayaa sheegay in ujeedka howlgalkan uu yahay sidii looga hortagi lahaa weerarada ay argagaxisadu soo qaadaan deegaanka Ceel Laheley ee gobolka Galgaduud.
GAROWE ONLINE
