Mareykanka oo xayiraad saarey sarkaal muhiim u ah ISIL-Somalia

ISIS-Soomaaliya ayaa heshay dakhli lagu qiyaasay 4.5 milyan oo doolar qeybtii hore ee 2022 iyo 2021.

WASHINGTON, United States - Dowladda Mareykanka ayaa cunaqabateyn ku soo rogay C/weli Maxamed Yuusuf oo ah madaxa xafiiska maaliyadda ee Daacish garabka Soomaaliya.

Yuusuf ayaa lagu eedeeyay in uu kaalin muhiim ah ka qaatay tashkiilinta dagaalyahanada Ajaanibta ah, saadka iyo saanad uu u soo iibintay Daacishta Soomaaliya.

ISIS-Soomaaliya ayaa heshay dakhli lagu qiyaasay 4.5 milyan oo doolar qeybtii hore ee 2022 iyo 2021.

Lacagtan oo ku timid qaab baad ah ayay kooxda ka uruurisay ganacsiyada gudaha, xoolaha iyo beeraha, sida ay sheegtay waaxda maaliyadda Mareykanka.

GAROWE ONLINE