Maxkamadda Ciidamada oo xukun ka soo saartay General Sheegow & kooxdiisa
-
GAROWE ONLINE XAFIISKA MUQDISHO
- Posted On 02-11-2023, 01:34PM
MUQDISHO, Somaaliya - Maxkamadda Ciidamada Qalabka Sida ayaa ku xukuntay Sheegow Axmed Cali Bixinta Diyada Sakariye Maxamed Cali iyo magdhow siinta sarkaal xigeen Cabdullaahi Xuseen Cabduqaadir oo uu dhaawacay.
Sidoo kale, Axmed Maxamed Xasan (Abii Axmed) Taliyaha Ciidamada Sheegow ayaa isna lagu Xukumay Dil-toogasha ah. Abii Axmed ayaa laba eedeysane ku dilay Maxkamad ku taal magaalada Jowhar 13dii February ee sanadkan.
Maxkamadda ayaa ku xukuntay 18 kale oo isla kuwii dagaalamay min 6-Sano oo Xabsi Ciidan ah.
Deeqow oo ahaa maal geliyaha kooxdan oo aan lahayn Diiwaan Ciidan ayaa lagu xukumay 3-sano oo xabsi ciidan ah.
GAROWE ONLINE
