Nin dad ku rasaaseeyay magaalada Baladweyne
-
- Posted On 24-05-2017, 07:11PM
BALADWEYNE, Hiiraan- Qof la sheegay inuu madaxa ka xanuunsanayo ayaa rasaas oodda uga qaaday dad shacab ah oo ku sugnaa gudaha magaalada Baladweyne xarunta gobolka Hiiraan.
Hal qof ayaa dhintay, waxaana sidoo kale dhaawacmay Afar kale oo ay soo gaareen dhibaatooyin kala duwan.
Majirto cid ilaa hadda ka hadashay dhacdadaas iyo sidoo kale xaalka ninka weerarka gaystay.
Ciidamada ammaanka ayaa goobta soo gaaray iyagoo qaaday dhaawacyadii rasaasta wax ku noqday, kuwaasoo iminka lagu dabiibayo gudaha magaalada Baladweyne.
Ninkii dilka gaystay ayaa gacanta lagu hayaa, waxaana kusocda baaritaan, sida ay sheegayaan wararka ka imaanaya gobolkaas.
GAROWEONLINE
