NISA oo gacnta ku soo dhigay xubno doonayay in ay ku biiraan ‘AS’

MUQDISHO, Soomaaliya - Ha’yadda Sirdoonka iyo Nabad Suggida Qaranka ee NISA ayaa gacanta kusoo dhigtay 25 xubnood oo qorsheynayay inay ay ku biiraan kooxda “AS”, sida lagu sheegay bayaan ka soo baxay Hay’adda.

Bayaanku waxa uu intaas ku daray, in Xubnahan ay doonaayeen in ay u tallaabaan gobolka Shabeelaha Dhexe, iyaga oo wata gaari nuuca loo yaqaano Caasi kana soo baxay deegaan hoos taga degmada Afgooye.

Xubnahan ayaa kala ahaa; Darawalkii gaariga, 2 labo caawiye/Kirishbooy iyo 25 isugu jira caruur iyo rag da’ dhexaad ah kuwaas oo qirtay in loo waday in la askareeyo kuna biiraan dagaalamayaasha ‘AS’.

Gabagabada bayaanka ayaa lagu xusay in Hay’adda Sirdoonka iyo Nabad Sugidda Qaranka ay ka go’an tahay markasta in la beegsado AS ee ku hawlan dhibaateynta Shacabka Soomaaliyeed.

GAROWE ONLINE