Fahfaahin: Qarax Gaari oo ka dhacay magaalada Muqdishu
-
- Posted On 11-09-2017, 04:30PM
MUQDISHU, Somalia - Qarax xooggan ayaa galabta ka dhacay Wadada Makka Al Mukarama, ee Muqdishu, kaasi oo laga maqlay qeybo badan oo kamid ah magaalada.
Goobjooge ayaa u xaqiijiyay Warsidaha Garowe Online in Gaari lagu soo xiray walxaha qarxa uu ku qarxay afaafka Makhaayad ku taalla meel ku dhaw Hotel-ka Wehliye.
Wararka qaar waxay sheegaan in Gaari yaallay wadada dhinaceeda, uu ka dhashay qaraxa. Gaadiidka Ambalaaska ayaa goobta gaarey, iyadoo dhaawacyada u qaadey dhanka Isbitaallada.
Saraakiisha Booliska dowladda Federaalka Somalia, ayaa sheegaya in ugu yaraan hal qof uu ku dhintay qaraxa, sidoo kalena ay ku dhaawacmeen sagaal kale, oo dhamaantood shacab ah.
Qaraxa kadib, Ciidamada amaanka ayaa xiray wadada Makka Al Mukarama, oo ah mida ugu mashquulka badan Muqdishu.
GAROWEONLINE
