Qatar waa saaxiibkeena dhabta ah - RW Xamza Cabdi Barre

MUQDISHO, Soomaaliya - Dowladda Qatar ayaa marar badan la garab istaagtay shacabka Soomaaliyeed arrimaha bini’aadantinimada iyo horumarka, wuxuuna Ra’iisal Wasaare Xamza Cabdi Barre sheegay in dalalka Khaliijka aysan waligood ka tagin dalkiisa xilli ay u baahnaayeen.

Barre, oo la hadlay Wakaaladda Wararka Qatar [Qatar News Agency], ayaa sheegay in dalka Soomaaliya uu mar walba taageero ka geysan jiray dhacdooyin kala duwan, isagoo intaa ku daray in marka xasiloonida Muqdisho ay dib u soo noqoto, Doha lagu xasuusan doono doorkii muuqda ee ay ka qaadatay walaaltinimada.

Muddo sanado ah, Qatar waxay saaxiib dhow la ahayd Soomaaliya dhinac walba, oo ay ku jirto inay dalka ka caawiso sidii wax looga qaban lahaa xagjirnimada, iyadoo loo marayo taageero maaddi iyo mid shucuureed. Muddo dhowr sano ah, Qatar waxa ay dalka ka caawinaysay in ay bilawdo mashaariic horumarineed marka laga reebo la dagaalanka xagjirnimada rabshadaha wata ee dalkaas.

Barre waxa uu xusay in Soomaaliya aysan u arag Qatar saaxiib kaliya, balse ay u aragto saaxiib istiraatiji ah oo la isku halayn karo. Barre ayaa sheegay in Soomaaliya ay ka shaqeyneyso sidii loo adkeyn lahaa iskaashiga hadda jira ee kala dhaxeeya Qatar ee heer laba geesood ah, ayna rajeynayaan in la ballaariyo iskaashigan si loo koobo dhinacyada muhiimka ah sida waxbarashada iyo dhaqanka, ayay wakaaladdu ku warrantay.

Qatar, ayuu intaa ku daray, in ay muujisay xiisaha ay u qabto baaritaannada ballaaran ee laga samaynayo xeebaha ballaaran ee Soomaaliya, oo gaaraya ilaa 3,330 kiiloomitir, oo aan weli laga faa'iidaysan. Xeebta qaniga ku ah saliidda, haddii si wanaagsan loo sahamiyo, waxay sii wadi kartaa kobaca dhaqaale ee Soomaaliya oo sii yaraanaya.

Wuxuu sheegay in xiriirka labada dal uu ka marag kacay horumar la taaban karo sanadihii la soo dhaafay, isagoo intaa ku daray in booqashadiisa ay xaqiijineyso sida ay uga go’an tahay sii xoojinta iskaashiga qotoda dheer ee dhinac walba ah si kor loogu qaado nabadda, xasilloonida, iyo barwaaqada dalalka Carabta iyo Islaamka.

Qatar iyo Imaaraatka Carabta ayaa dano ka lahaa Soomaaliya, iyagoo mararka qaar ka turjumaya kala qeybsanaan siyaasadeed oo dalka ka jirta, balse tan iyo markii uu xilka la wareegay Xasan Sheekh Maxamuud, xaaladdu waa ay degtay. Qatar ayaa horay loogu eedeeyay in ay hormuud ka tahay fowdada ka jirta Geeska Afrika.

Labada Ra’iisul Wasaare Xamza Cabdi Barre iyo Madaxweyne Xasan Sheekh ayaa sheegay in ay booqashooyin ku kala bixiyeen labada dal ee Imaaraadka iyo Qatar si ay u dardargeliyaan iskaashi horumarineed. Soomaaliya ayaa dagaal kula jirta kooxda Al-Shabaab oo dhowr iyo tobankii sano ee u dambeeyay dhibaato ka waday dalka, balse waayadan dambe laga adkaanayay.

GAROWE ONLINE