Sarkaal katirsanaa ciidamada Ethiopia oo isku-dilay Garbahaarey
-
- Posted On 16-03-2017, 04:15PM
GARBAHAAREY, Somalia - Sarkaal katirsanaa ciidamada Ethiopia ayaa lagu soo waramayaa inuu isku-daldalay saldhig military oo ku yaalla magaalada Garba-haarey, ee xarunta gobolka Gedo.
Cusmaan Nuur Xaaji, oo ah ku xigeenka Gudoomiyaha gobolka Gedo ayaa xaqiijiyay Is-daldalaadda Sarkaalkan.
Wuxuu sheegay Cusmaan in sababta uu isku dilay Sarkaalkan oo magaciisa la shaacin inay ka dambaysay markii loo diiday inuu helo fasax uu dalkiisa ugu laabto, si qoyskiisa iyo caruurtiida usoo booqdo.
"Waxaa kuu xaqiijin karaa in Sarkaal katirsanaa ciidamada Ethiopia uu xalay isku dilay gudaha saldhigiisa magaalada Garbahaarey, waxaana sababta naloogu sheegay in Saraakiisha ka sareysa u diideen Fasax," ayuu yiri Cusmaan Nuur Xaaji.
Saraakiisha ciidamada Ethiopia ee gobolka Gedo wali wax fahfaahin ah kama aysan bixin Sarkaalka is-dilay, iyo sababta uu nafta isku-dhaafiyay.
GAROWEONLINE
