Shil dhimasho sababay oo ka dhacay duleedka Balcad
-
- Posted On 11-02-2017, 10:53AM
MAHADAY, Somalia- Ugu yaraan saddex ruux, oo labo kamid ah ay ahaayeen Haween ayaa ku dhimatay Shil gaari oo ka dhacay duleedka degmada Balcad, ee gobolka Shabeellaha dhexe.
Shilkan ayaa dhacay markii Gaari nuuca NOHA-da ah oo ay la socdeen 5 qof ku qalibmay wado ku taalla deegaanka Qalimoow, oo 3KM u jiro magaalada Balcad, sida dadka deegaanka GO u sheegeen.
Saraakiil katirsan maamulka gobolka Shabeellaha dhexe oo goobta shilka tagay, ayaa sheegay in Gaariga rogmaday, uu kasoo amba-baxay degmada Balcad, kuna sii jeeday degmada Mahadaay.
Darawalka Gaariga ayaa kamid ah saddexda qof ee ku dhimatay Shilkaas, oo loo aaneeyay wadada oo burbursan iyo Babauurka oo xawaare sare ku socday.
Dadka dhaawac noqday ayaa loo qaaday cusbital ku yaalla degmada Balcad.
Inta badan Shilalka nuucan ah ayaa loo sababeeyaa jidadka oo burbursan ka muuqdo iyo wadayaasha gaadiidka oo aqoon badan lahayn, kuna kaxeeya baabuurta si aan mas'uuliyad iyo taxadir ku jirin.
GAROWEONLINE
