Somalia: Dagaal ka dhacay duleedka Magaalada Muqdishu
-
- Posted On 07-02-2017, 11:47PM
MUQDISHU, Somalia- Dagaal culus, oo u dhaxeeyo Al Shabab iyo ciidamada AMISOM ayaa ka dhacay duleedka magalaada Muqdishu, ee caasumadda Soomaaliya.
Dagaalka ayaa yimid markii Mallesshiyada Al shabaab ay gantaallo ku garaaceen saldhiga ciidanka Burundi ee deegaanka Arbacow, oo 2Km u jiro Ceelasha Biyaha, sida dadka deegaan u sheegeen GO.
Hugunka Madaafiicda iyo Hubka culus ayaa si aad ah looga maqlayay qeybo kamid ah Muqdishu, waxaana dadka deegaanka kusoo warameen inay jiraan khasaarooyin labada dhinaca kala gaaray.
Al Shabaab ayaa iska-caabin kala kulantay ciidamada AMISOM, waxaana ay ku fashilantay inay gudaha uu gasho saldhiga, oo askarta ku sugan la sheegay inay ka feejignaayeen weerarada noocan ah.
AMISOM iyo Al shabaab kama aysan hadlin dagaalka iyo khasaarihiisa.
Dagaalkan ayaa wuxuu daba socday mid maanta Al Shabaab iyo AMISOM ku dhexmaray deegaanka Mirtuugo, oo ku dhaw degmada Mahadaay ee gobolka Shabeellaha dhexe, kaasi oo ay ku dhinteen ugu yaraan labo ruux.
Al Shabaab ayaa xoojinayo weerarada ay ku doonayaan inay ku carqaladeeyaan Doorashada Madaxweyne, oo la filayo inay berri ka dhacdo magaalada Muqdishu.
GAROWEONLINE
