Somalia: Kheyre oo daah-furey Imtixaanka Shahaadiga Dugsiga sare

Image

MUQDISHU, Somalia - Ra’iisal wasaaraha Somalia Xasan Cali Kheyre ayaa Maanta Magaalada Muqdisho ku daah-furay Imtixaanka Mideysan ee Dugsiyada Sare dalka, oo sanadkiiba mar ay dowladdu qabato.

Imtixaanka oo ay qabanayso Wasaaradda Waxbarashada dowladda Federaalka Somalia, ayaa waxaa u fariistay Arday gaaraysa 23,000 (Labaatan iyo sadex kun), oo ku galaya qaar kamid ah maamullada dalka.

Imtixaanka midaysan, ayaa waxa uu ka dhacayaa ku dhawaad 77 Goobood oo ku yaala dalka, oo aan ku jirin Deegaanada ay maamulaan Al shabaab, Puntland iyo Somaliland.

Meelaha lagu qabanayo Imtixaanka waxaa ka mida Galmudug, Hirshabelle, Gobolka Banaadir, Koofur Galbeed iyo Jubbaland. Dowladda kama aysan hadlin sababta Goobaha kale loogu qaban waayay.

Waa markii 3-aad, oo Imtixaankan ay qabanayso Wasaaradda Waxbarashada Somalia, oo 2014 kula heshiisay Dalladaha waxbarashada dalka in si wadajir ah loo qaado Imtixaanaadka Dugsiga sare.

GAROWEONLINE

Related Articles

Xiisad Ka Taagan Bartamaha Soomaaliya kadib Markii Al-Shabab la wareegtay Degmo muhiim ah

Si looga jawaabo weerarkaasi, dagaalyahanada Macawiisleey, oo ah maleeshiyo bulsho oo taageerta dowladda federaalka.

  • Soomaliya

    17-07-2025

  • 11:16AM

Xasan Shiikh oo ka soo muuqdey Antalya xilli Soomaaliya ay wajahayso qalalaase amni iyo siyaasadeed

Sawirkan oo aad loogu falceliyay baraha bulshada, ayaa yimid xilli dalka…

  • Soomaliya

    17-07-2025

  • 01:47AM