Somalia: Madaxweynaha CAF oo soo gaarey Muqdishu
-
- Posted On 17-04-2017, 05:46PM
MUQDISHU, Somalia - Madaxweynaha xiriirka Kubadda Cagta ee Qaarada Africa (CAF) Ahmad Ahmad iyo wafdi uu hogaaminayo ayaa maanta oo Isniin ah booqasho ku tagey magaalada Muqdishu.
Wasiirka cusub ee Dhalinyarada iyo Ciyaaraha dowladda Somalia Khadiija Maxamed Diiriye iyo madax kale ayaa Axmad Axmad kusoo dhaweeyay Garoonka Diyaaradaha caalamiga ee Aadan Cadde.
Mr Axmed Axmed ayaa lagu wadaa inuu booqdo Garoomada lagu ciyaaro kubadda cagta waa-weyn ee Muqdishu, iyadoo uu la kulmi doono Madaxda Xiriirka Kubadda Cagta Somalia.
Wararka ayaa sheegaya in Axmed sidoo kale la kulmi doonaa Madaxda ugu sareysa Dowladda Federaalka Somalia, gaar ahaan Madaxweynaha iyo Ra’iisal Wasaaraha inta uu joogo Muqdishu.
GAROWEONLINE
