Somalia: Ra'iisal wasaaraha Cusub oo xilka la wareegay
-
- Posted On 02-03-2017, 03:05PM
MUQDISHU, Somalia - Ra'iisal wasaaraha cusub ee dalka Somalia, Xasan Cali Kheyre ayaa maanta si rasmi ah xilka ugala wareegay dhigiisii hore xafiiska ugala wareegay dhigiisa ka horeeyay Cumar Candirashiid.
Xaflada ka dhacday xarunta Madaxtooyada Villa Somalia ayay labada mas'uul xilka ku kala wareegeen, waxaana kasoo qeyb galay mas'uuliyiin uu kamid ah ku xigeenka Gudoomiyaha Baarlamaanka Cabdiwali Sheekh Ibraahim Muudey.
Mr. Kheyre oo ka hadlayay xafladda xil-wareejinta ayaa uga mahadceliyay Cumar Cabdirashiid howshii uu qabtay mudadii uu xilka hayay, waxaana uu ku ammaanay sida wacan uu uu maanta xilka ugu wareejiyay.
Sharma’arke, ayaa hayay talada xafiiska Ra'iisul Wasaaraha Somalia tan iyo December, 2014, isagoo xilligaasi ahaa Safiirka Somalia ee dalka Mareykanka mud kooban.
Cumar C/rashiid wuxuu 2 sano ku dhow lasoo shaqeeyay dowladdii Xasan Sheekh Maxa'uud, Madaxweynihii hore ee dalka Somalia, oo dhawaan looga adkaaday dooarshadii ka dhacday Muqdishu February 8.
Xukuumadii Cumar Cabdirashid ayaan waxba ka qaban dhibaatooyinkii dalka ka jirey marka laga reebo shirarkii doorashooyinka dadban taasoo uu musharax ahaa Ra'isal wasaaraha Somalia.
Xasan Cali Kheyre oo la dhaariyay malaintii shalay, sidoo kalena ay ansixiyeen Baarlamaanka Xildhibaanadiisa ayaa 30-ka maalmood ee soo socoto laga sugayaa inuu soo dhiso Gole wasiirro.
GAROWEONLINE
