Soomaaliya: Maxaa sababay booqshada madaxweynaha ee degmada Maxaas?
-
GAROWE ONLINE XAFIISKA MUQDISHO
- Posted On 03-09-2023, 02:04PM
MAXAAS, Soomaaliya - Madaxweyne Xasan Sheekh Maxamuud ayaa gaaray Degmada Maxaas ee Gobolka Hiiraan, oo ka mid ah Magaalooyinka ugu waaweyn ee laga abaabulay dagaalada ka dhanka ah Ururka AS.
Madaxweynaha ayaa la filayaa in marka laga soo tago qeybaha kala duwan ee bulshada uu kulamo la qaato taliyeyaasha ciidamada iyo mas’uuliyiinta maamulka gobolka Hiiraan oo uu kala hadli doono arrimo ku saabsan dagaalka ka dhanka ah argagixisada.
Ilo wareedyo ayaa sheegaya in ciidamada deegaanka ah ee ku sugan Hiiraan ay ka qeyb qaadan doonaan howlgallada ka socda bariga gobolka Galgaduud. Taasi waxay ka dhigaysaa in dhamaan maamulka Galmudug uu ka xoroobo kooxda AS.
Madaxweyne Xasan Sheekh ayaa horay u ballan qaaday inuu sii wadi doono dagaalka ka dhanka ah AS inta laga saarayo guud ahaan dalka.
GAROWE ONLINE
