Soomaaliya oo ku baraarugtay damca Itoobiya ee Badda Cas

MUQDISHO, Soomaaliya - Soomaaliya ayaa diiday codsi uga yimid Itoobiya oo ku aadanaa in ay wada hadal la gasho, si ay deked uga hesho Badda CasItoobiya , sida ay sheegtay Wakaaladda Wararka Bloomberg.

Ra’iisul wasaaraha Itoobiya Abiy Axmed ayaa laga soo xigtay in dalkiisa uu xaq dabiici ah u leeyahay in uu si toos ah uga faa’iideysto badda cas, haddii taas la diidona waxauu yiri:

“Ma jiri doonto cadaalada, haddii cadaalad iyo la waayana, waa arrin waqti u baahan in dagaal ku dhawaaqno .”

Ra’iisul wasaaraha Itoobiya ayaa sidoo kale soo jeediyay in dawladiisu ay saami ka siin karto dalalka deriska biyo xidheenkeeda Renaissance ee Itoobiya si ay saamiyo la mid ah uga hesho dekedaha ay leeyihiin.

Docda kale, Wasiiru dowlaha arrimaha dibadda DFS Cali Cumar ayaa sheegay in iyadoo dalka ay ka go’an tahay horumarinta nabadda, amniga, ganacsiga iyo isdhexgalka, haddana ma danaynayo in ay bixiso hanti istaraatiiji ah sida deked.

GAROWE ONLINE