Taliye cusub oo loo magacaabay hogaanka Milatariga Soomaaliya

Golaha Wasiiradda ayaa meelmariyay magacaabida General Ibraahim Sheekh Muxyadiin Caddoow.

MUQDISHO, Soomaaliya - Golaha Wasiirrada Xukuumadda Federaalka Soomaaliya oo galabta yeeshay kulan aan caadi ahayn, ayaa lagu ansixiyey magacaabidda Taliyaha cusub ee Ciidanka Xoogga.

General Ibraahim Sheekh Muxyadiin Caddoow ayaa loo magacaabay taliyaha milatariga kaddib soo jeedinta Wasaaradda Gaashaandhigga, sidda ku cad qoraal kasoo baxay xukuumadda.

Caddoow oo badalaya Jeneraal Odowaa Yuusuf Raagge ayaa horey u soo qabtay xilal ciidan oo kala duwan oo ay kamid yihiin Taliyaha Ilaalada Ciidanka Xoogga dalka ee Madaxtooyada.

Kulanka oo uu guddoominayey Ra’iisul Wasaaraha Xukuumadda Jamhuuriyadda Federaalka Soomaaliya Xamsa Cabdi Barre, ayaa lagu ansixiyey Hindise Sharciyeedka Xafiiska Hanti-Dhowrka Guud ee Dowladda.

Sidoo kale, waxaa lagu meelmariyay Xeerka Dhismaha Xarunta Tubsan, Xeer Nidaamiyaha Ruqsadda Korontada, Xeer Nidaamiyaha Tariifada Adeegga Korontada iyo Qaraar ku saabsan Qorista Shaqaalaha Dowladda.

GAROWE ONLINE