UK oo caddeysay mowqifkeeda farogelinta Itoobiya ee gobolka Gedo

KISMAAYO, Jubaland - Madaxweyne Axmed Maxamed Islaam [Axmed Madoobe] ayaa maanta safiirka Ingiriiska ee Soomaliya, Benfender ku qaabiley hoyga uu ka deganyahay Nairobi, xarunta Kenya.

Kulanka dhexmarey Madaxweynaha iyo safiirka ayaa laga wadada hadley xaalada guud ee dalka, Doorashada 2020/2021, Xiriirka Dowlada federaalka iyo maamulada iyo arrinta ay DFS ah ka wado qaar kamid ah degmooyinka gobolka Gedo.

Madaxweyne Axmed ayaa sheegay in nooca doorashada 2020/2021 loo baahanyahay inay noqoto mid dastuurka waafaqsan Soomaaliduna kuwada qanacsantahay.

Taas si loo xaqiijiyo ayuuxusay "in ay u baahantaahay in loo maro wadada ugu munaasibsan ee ay bulshada Soomaaliyeed kuwada qanacsanyihiin, hor u socodka dalka iyo nidaamka dowladnimana laga dhex arki karo"

Safiirka Dowlada Ingiriiska ayaa sheegay in ay muhiim tahay in xiriir wadashaqeyneed iyo isfahan rasmi ah ay gaaraan Dowlada federaalka iyo Dowladaha xubnaha ka ah.

"..si ,horumar dhan kasta uu dalku u gaaro doorasho loo wada dhanyahayna dalka uga dhacdo taas oo uu safiirku si gaar ah madaxweynaha uga codsadey inuu uga shaqeeyo sidii xalwaara looga gaari lahaa arrintaas".

Sidoo kale Madaxweynaha iyo Safiirka ayaa kawada hadley dhaqdhaqaaqyada sharciga baalmarsan ee ay Dowlada federaalku ka wado gobolka Gedo.

Dhinacyadda ayaa "isla qirey" inay tahay faragelin qaawan oo aan sal iyo raad kulaheyn dastuurka dalka cawaaqib xumada ka dhalatana ay masuuliyadeeda qaadeyso dowladda Soomaaliya.

Ugu danbeyn, safiirka Ingiriiska ayaa madaxweynaha uga mahadceliyey sida Madaxweynuhu muhiimada gaarka ah u siiyey adkeynta amniga iyo la dagaalanka argagixisada ee deegaanada maamulka Jubbaland.

GAROWE ONLINE