Wafdi ka socda Dowladda Federaalka oo gaaray Laascaanood
-
GAROWE ONLINE XAFIISKA MUQDISHO
- Posted On 14-09-2023, 12:45PM
LAASCAANOOD, Soomaaliya - Magaalada Laascaanood ee xarunta gobolka Sool ayaa waxaa goor dhoweyd lagu soo dhaweeyay wafdi ballaaran oo ka socda dowladda Federaalka Soomaaliya.
Wafdigan oo ay hogaaminayeen guddoomiye ku xigeenka baarlamaanka Cabdullahi Timacade iyo wasiirka boostada iyo isgaarsiinta Jaamac Khaliif ayaa waxaa ka mid ahaa wasiiro iyo xildhibaano ka tirsan labada gole ee Soomaaliya.
Ujeedada koobaad ee wafdigan Laascaanood ku tageen ayaa la sheegay in ay ahayd sidii ay wadahadal ula yeelan lahaayeen maamulka SSC-Khaatumo iyo odayaasha dhaqanka deegaanka. Wada-hadalladan ayaa ku saabsan xaaladda magaalada oo lagala wareegay maamulka Somaliland.
Weftigu ayaa sidoo kale soo indhindheeyay xaafadaha Laascaanood oo ay gaareen burbur xooggan oo ka dhashay duqeymo ay ciidamada Somaliland ku garaaceen bilihii u dambeeyay.
GAROWE ONLINE
