Wariyayaasha SSC-Khaatumo oo la faray in aysan la shqeyn Tv-yada Somaliland
-
GAROWE ONLINE XAFIISKA MUQDISHO
- Posted On 04-09-2023, 05:18AM
LAASCAANOOD, Soomaaliya - Ururka ًWarbaahinta SSC-Khaatumo ayaa soo saaray bayaan ay ka mamnuucayaan suxufiyiinta SSC-Khaatumo inay ka shaqeeyaan TV-yada Somaliland, iyaga oo ku sababeeyay inay ka baxeen “anshaxii Saxaafadda” sida lagu sheegay warsaxaafadeedka.
Warsaxaafadeedka ururka ayaa lagu yiri:
“Waxaan ku wargelineena dhamaan wariyeyaasha inaysan ka howlgeli karin Tv-yada laga leeyahay Somaliland ka dib markii ay ka baxeen anshaxii saxaafadda, si badheedh ahna ula safteen maamulkooda.”
War-saxaafadeedka ayaa lagu sheegay in TV-yada Somaliland aysan dhex dhexaad ahayn, balse maamulka Somaliland uu u adeegsado faafinta wararka iyo dacaayadaha.
Ururka ayaa ku eedeeyay Tv-yada Somaliland in ay la dagaalamayaan shacabka iyo maamulka SSC-Khaatumo, kadib markii ay dafireen maamulka.
Ururka ayaa ugu dambeyntii ugu baaqay warbaahinada SSC-Khaatumo in wax wada shaqeyn ah dhex marin Somaliland, maadaama aysan waafaqsaneen siyaasada maamulka.
GAROWE ONLINE
