Xasan Sheekh oo Addis Ababa u dhoofay
-
- Posted On 30-01-2017, 02:11PM
MUQDISHU, Somalia- Murashaxa Madaxweynaha dowladda Federalka Somalia, Xasan Sheekh Maxamud ayaa maanta u dhoofay magaalada Addis Ababa ee xaurnta dalka Ethiopia.
Addis Ababa waxaa shir kuleh madaxda Waddamada Africa.
Socdaalka Xasan Sheekh ayaa la sheegay inay la xiriirto sidii uu uga qayb gali lahaa kulankaas isagoo matalaya dowladda Somalia.
Shirka IGAD, waxaa looga hadli doonaa arrimo ay kamid yihiin Hiigsiga horumarineed Qaarada Africa ee 2063, Doorashada Guddoonka urur goboleedka IGAD oo ay sannadkan u sharaxan tahay Wasiirka Arrimaha Dibada ee Kenya Amina Mohamed.
Waxaa lagu wadaa inuu khudbad ka jeediyo kulankaas oo uga warmo arrimaha Somalia iyo doorashooyinka socda.
Xasan Sheekh oo kamid ah ragga Sharaxan ayaa matalaya Somalia xilli waqtigiisu dhammaaday islamarkaana muddo kooban ka dhimantahay waqtigii loo asteeyay.
Safarkan ayaa yimid xilli uu xalay kulan la qaatay Xildhibaano katirsan labada Aqal ee Barlamanka Somalia iyagoo kawada hadlay waxyaabo khuseeya dib u doorashadiisa.
GAROWEONLINE
