Xoghayaha Arrimaha Dibadda Ingiriiska oo Booqasho qarsoodi ah ku yimid Muqdishu
-
- Posted On 15-03-2017, 11:17AM
MUQDISHU, Somalia- Xoghayaha Arrimaha Dibadda dowladda Ingiriiska Boris Johnson iyo Wafdi uu hogaaminayo ayaa maanta soo gaarey magaalada Muqdishu, ee caasumadda Somalia.
Booqashada Boris Johnson oo ahayd mid qarsoodi ah, oo aan horey loo shaacin ayaa waxay kusoo beegmaysaa xilli Bisha May lagu wado in London lagu qabto shir looga hadlayo arrimaha dalka.
Johnson ayaa Kulan la qaatey Madaxda sare ee dowladda Somalia, waxayna kawada hadleen arrimaha abaarta iyo amniga, oo ah labada caqabadood ee ugu waaweyn ee waddanku xilligan wajahayo.
Wararka ayaa sheegaya in Boris Johnson uu arrimaha ugu weyn ee Socdaalkiisa ku qotantay Shirka London, ee looga hadli doono xaaladda Somalia islamarkaana lacag loogu aruurin doono.
Shirka London, oo dowladda UK ay qaban-qaabisay ayaa waxaa kasoo qeyb-gali doono Dowladaha Deeqaha Bixiya, Hay'addo caalami ah iyo Madaxweynaha Somalia Maxa'ed Cabdullaahi Farmaajo
Bishii lasoo dhaafay, dowladda Ingiriiska ayaa shaacisay inay Somalia ugu deeqday lacag dhan £100 million, oo wax looga qabanayo abaarta ku dhufatay qeybo badan oo kamid ah gobolada dalka.
GAROWEONLINE
