Duqa Muqdisho oo 'arin khaldan' ka sameeyay Shirka Garowe [XOG]

Image
Image
Image
Image
Image
Image
Image

GAROWE, Puntland - Duqa Muqdisho, ahna Gudoomiyaha Gobolka Banaadir C/raxmaan Yariisow ayaa shalay ka sameeyay Shirka Wadatashiga ee ka furmay Garowe arin khalad iyo gef ay u arkeen, islamarkaana ka careysiiyay Madaxda dowlad Goboleedyada.

Madaxda shanta dowlad Goboleed ee ka qeybgalaysa Shirka ayaa ku qabsaday C/raxmaan Yariisow erey-bixin uu u adeegsaday qoraal uu soo geliyay bartiisa Twitter, oo hoos ugu dhigay maqaamka Dowlad Goboleedyada dalka [Statehood].

Illo ku dhaw Shirka ayaa u xaqiijiyay Warsidaha Garowe Online in madaxweyniyeyaasha dowlad Goboleedyada qaarkood ay soo jeediyeen in duqa Muqdisho laga saaro gebi ahaanba madasha, kadib markii uu ku sheegay Twitter-kiisa in Farmaajo uu la kulmay hogaamiyaasha gobollada.

"Soomaaliya horey ayay u socotaa, Madaxweynaha Soomaaliya ayaa maanta [May 5, 2019] ayaa shir gudoomiyay Shir wadatashi ah oo uu la yeeshay hogaamiyeyaasha gobollada, wadahadallada waxyaabaha looga hadlayo waxaa kamida arrimaha ugu waaweyn dalka, sida qabashada doorasho qof iyo cod ah 2021," ayuu ku yiri Eng Yariisow qoraalkiisa.

Duqa waxaa la sheegay in la siiyay digniin ah inuusan sameynin wax tweet ah ama qoraal uu soo dhigo Twitter-ka oo ku saabsan arrimaha looga hadlayo Shirka, illaa laga soo saarayo war-murtiyeedka ugu dambeeya.

Eng Yariisow ayaa ku matelaya Shirka Garowe gobolka Banaadir, oo uu gudoomiyaha ka yahay, halka Madaxda kale ay ka socdaan dowlad Goboleedyada iyo dowladda Dhexe.

Kulankii shalay ayaa ahaa mid hordhac ah, madaxda dowlad goboleedyada iyo dowladda Federaalka ayaa maanta guda galaya ka hadalka arrimaha taagan iyo qodobada la isku khilaafsan yahay, oo ay ugu horeeyaan Xeerarka doorashooyinka iyo Batroolka.

Macluumaad hoose oo uu helayo Warsidaha Garowe Online ayaa sheegay in madaxda dowlad goboleedyada ay doonayaan in la joojiyo xeerkii la ansixiyay ee aan wadatashiga lagala sameynin, sida kuwa Doorashooyinka iyo Batroolka.

Dhamaadka Shirka, waxaa la filayaa inay madaxda dalka soo saareen war-murtiyeed ku xusan qodobada lagu heshiiyay ama la isku afgartay Shirka Garowe, ee uu martigelinayo Madaxweynaha dowladda Puntland, Saciid C/llaahi Deni.

GAROWE ONLINE

Related Articles

Maxay ahayd warqadda Xasan Sheekh u qoray Trump?

Waxaa uu codsaday in Madaxweynaha Trump uu u soo diro wafdi Muqdisho “wakhti ku habboon labada dal” si loogu sii wadahadlo dalabka.

  • Soomaliya

    29-03-2025

  • 09:48AM

Xarunta Boqor Salmaan oo hirgelinaysa Masharuuca qaybinta Zakada Fidriga ee Sanadka 1446H -2025

Ujeedada mashruucan ayaa ah in la yareeyo culeyska nololeed ee qoysaska, loogana dhigo mid farxad leh maalmaha ciidda barakeysan ee Fidriga.

  • Soomaliya

    28-03-2025

  • 06:50PM